English
Treoir Iarratais
Treoracha céim ar chéim maidir le clárú do Thoghlach Ardoideachais Sheanad Éireann

Conas clárú ar SeanadVoter.ie mar iarratasóir nua

Céim 1: Aimsigh an Tairseach Iarratais
Ar leathanach baile SeanadVoter.ie, aimsigh an chuid a deir ‘Iarratasóir nua do thoghlach Ardoideachais Sheanad Éireann’.
Cliceáil ‘Déan Iarratas Anois’.

Céim 2: Déan Athbhreithniú ar na Critéir Chlárúcháin
Ar an leathanach tosaigh, déan athbhreithniú na critéir incháilitheachta. Ní mór duit a bheith:
  1. i do shaoránach Éireanach, agus
  2. 18 mbliana d’aois nó níos sine, agus
  3. i do Chéimí ó institiuid ainmnithe.
Déan cinnte go bhfuil tú incháilithe chun iarratas a dhéanamh agus go bhfuil na doiciméid atá ag teastáil uait réidh agat sula dtosaíonn tú ar d’iarratas. Iarrfar ort doiciméid tacaíochta shaoránachta a uaslódáil; tá treoir ina leith seo le fáil thíos faoi ‘Sonraí Pearsanta’.
Brúigh‘Lean ar aghaidh leis an Iarratas’.

Céim 3: Líon isteach an Fhoirm Chláraithe
Tá ceithre chuid san fhoirm:
  • Céad Ainm(neacha) agus Sloinne: Líon isteach d'ainm reatha.
  • Seanainm nó Ainmneacha Eile: Líon isteach d'ainm nuair a bhronnadhdo chéim ort. Ní fhoilseofar an t-eolas seo ar Chlár na dToghthóirí ach d’fhéadfadh sé cabhru chun do thaifead a aithint. Seans gur úsáid tú d’ainm i nGaeilge nó gur úsáid tú sloinne eile.
  • Seoladh Ríomhphoist Reatha: bain úsáid as do sheoladh ríomhphoist reatha a úsáideanntú go rialta.
  • Saoránacht: Uaslódáil doiciméad mar chruthúnas saoránachta (PDF nó JPG, 16MB ar a mhéad). Glactar leis na doiciméid seo:
    1. Leathanach grianghraif de phas bailí Éireannach
      2. nó
    2. Deimhniú Eadóirseachta
  • Uimhir PSP: Tabhair:
    1. Do UPSP (Uimhir Phearsanta Seirbhíse Poiblí)
      2. nó
    2. Foirm Fhinnéithe chomhlánaithe (PDF nó JPG, 16MB ar a mhéad)
  • Ní mór duit do sheoladh reatha agus seoladh le haghaidh na bpáipéar ballóide a sholáthar. Is féidir an seoladh céanna a úsáid. Foilseofar an dá sheoladh ar Chlár na dToghthóirí.
  • Féadfaidh tú suas le dhá chéim a chur isteach le haghaidh deimhnithe.
  • Iarrfar ort na sonraí seo a leanas maidir le do chéim a thabhairt:
    1. Foras Deimhnithe: An institiúid a bhfuil taifead do cháilíochta aici.
    2. Institiúid ar Fhreastail tú uirthi: An ollscoil, coláiste nó institiúid ar leith a ndearna tú staidéar ann.
    3. Bliain na Céime: An bhliain ar bhain tú céim amach nó nuair a bhí do shearmanas bronnta agat.
    4. Teideal Iomlán na Céime: Ainm do cháilíocht acadúil (m.sh. BA sa Stair, MSc san Altranas, PhD sa Bhitheolaíocht).
    5. Uimhir Mhic Léinn: Roghnach, má tá sé ar fáil.
  • Más céimí OÉ, TCD, nó an dá cheann thú, agus más mian leat a bheith curtha san áireamh chun vótáil in aon chorrthoghcháin a thiocfaidh chun cinn sa thoghlach seo, roghnaigh an bosca cuí le haghaidh OÉ agus/nó TCD.
  • Déan athbhreithniú agus deimhnigh go cúramach an dá dhearbhú.
Líon isteach na réimsí éigeantacha go léir, na codanna go léir atá marcáilte le réiltín (*).
Cuir isteach d’iarratas.

Céim 4: Cuir isteach d’Iarratas
Nuair a bheidh gach cuid críochnaithe agat, cuir isteach an t-iarratas.
Gheobhaidh tú ríomhphost admhála ag dearbhú go bhfuarthas d’iarratas.


Is féidir leat teagmháil a dhéanamh linn ag applications@SeanadVoter.ie mura bhfuil freagra do cheiste ar fáil thuas.
Bheadh áthas orainn cúnamh a thabhairt duit.